حديث الامام الباقر عليه السلام عن المختار الثقفي رضوان الله عليه

روي‌ أنّه دخل جماعة على أبي جعفر الباقر (عليه السّلام) و فيهم عبد اللّه بن شريك، قال: فقعدت بين يديه إذ دخل عليه شيخ من أهل الكوفة، فتناول يده ليقبّلها، فمنعه، ثم قال: من أنت؟

قال: أنا أبو الحكم‌ بن المختار بن أبي عبيد الثقفيّ، وكان متباعدا منه (ع) فمدّ يده (ع) فأدناه حتّى كاد يُقعده في حجره بعد منعه يده.

فقال: أصلحك الله، إنّ الناس قد أكثروا في أبي القول، و القول‌ والله قولك.

قال: وأيّ شي‌ء يقولون؟

قال: يقولون: كذّاب، ولا تأمرني بشي‌ء إلّا قبلته.

فقال: سبحان الله! أخبرني أبي أنّ مهر امّي ممّا بعث به المختار إليه، أَ وَ لَمْ يبنِ دورَنا، و قتلَ قاتلَنا، و طلب بثأرنا؟ فرحم الله أباك و كرّرها ثلاثا- ما ترك لنا حقّا عندَ أحدٍ إلّا طلبه‌

المصدر / كتاب ذوب النضار للشيخ جعفر بن نما الحلي

ج1 ص 62

حديث الامام الباقر عليه السلام عن المختار الثقفي رضوان الله عليه

روي عن أبي جعفر الباقر (عليه السّلام) أنّه قال‌: لا تسبّوا المختار، فإنّه قتل قتلتنا، و طلب ثأرنا، و زوّج أراملنا، و قسّم فينا المال على العسرة 

من كتاب ذوب النضار في شرح الثار للشيخ جعفر بن نما الحلي رحمه الله ج1 ص62

حديث الامام علي عليه السلام في حق المختار الثقفي

روي عن الأصبغ بن نباتة أنّه قال‌: رأيت المختار على فخذ أمير المؤمنين (عليه السّلام) و هو يمسح رأسه و يقول: يا كيّس يا كيّس‌
المصدر : كتاب ذوب النضار في شرح الثار، للشيخ جعفر بن نما الحلي رحمه الله ج/1 ص61

قصيدة ابعث سلامي اويه الريح - اربعينية الامام الحسين عليه السلام

أبعث سلامي اويه الريح    لزينب وهي بغربتهه

يواسيهه فيض دموعي    ومحنيه تبقه ضلوعي

لزينب وهي بغربتهه

-----------------

يا أجل  واعظم  قائدة   تمّمت   نهج   الثوره

علنت حربهه اعلى الظلم  حامله  لأقدس فكره

ورفعت  لواء   المبدأ   اليحيي  النفوس  الحره

وشنّت الحرب  الدامية   وتعلم  هي  المنتصره

سيف الصبر بيديهه      ثوب الخدر لامتهه

واهيه وحيده بهالحال     وانحنت كل الأبطال

لزينب وهي بغربتهه

-----------------

كل  الابطال  الهه  انحنت    تقتبس    منهه    الهمه

واجب على اتراب الأرض    يسجد   لعد   كل   قمه

ولمّن مشت لارض الحرب    ولحسين گصدت جسمه

طلعت  بليل  امن    الخيم     ابهمة   گلبهه   وعزمه

ما هابت وجيش الگوم     منذهل  من  هيبتهه

ما يدري يتوجّه وين      وانجسم طايع نصين

لزينب وهي بغربتهه

----------------

طلعت امن اخيام المجد    لجسم المجد  مگصدهه

عالخطر تمشي وما أظن    جيش الأعادي ايردهه

رفعت  نحر سبط  النبي    لجل    الإله    ابيدهه

وقدِّمت   قربان    الوفه    أغلى  وأعز  ما عدهه

وبكل صلابه وإيمان     تتراجع   لخيمتهه

وتحامي رضعان حسين    والعايلة تدير العين

لزينب وهي بغربتهه

-----------------

وتالي   يخليهه   الدهر   من   ديره  تمشي لديره

لمجلس   يزيد  الطاغية    وبكل    إهانة    تثيره

وهذا الدعي مو   مبدأي   ولا شرف عنده وغيره

شنهو  اليردعه  عن  قتلــــهه   اويخليه   ابحيره

هذا الأمر بيه تنبيه     عن  عظم  شخصيتهه

وانفضح  ما  بين  الناس    ايزيد وصبح محني الراس

لزينب وهي بغربتهه

-------------------

سادة  الوادم   والشرف  هامه  لشرفكم  طأطأ

ونور   النبوه   لمعدنچ   چاسيه   من    المنشأ

بثوب الجلاله  اموشّحه   وبيدچ     لواء   مبدأ

ومهما بلغ جور الخصم   يخسه  الخصم  يتجرأ

ورجعتي مرفوعة راس    والعايله   ابعزتهه 

احفظتي الحرم والايتام    وما فلح جور الظلام

لزينب وهي بغربتهه

--------------

چنّي   أشوفچ   گاصده   لطف  كربله  اوّاديهه

أولا فرد عگب الفاجعه   من  الأهل  ظل بيهه

جيتي وإلچ  شكوة گلب  من   الهضم   تبديهه

ودمعات محبوسه ابجفن  وبس لخوتچ  تجريهه

لو جيتي والبُشرى اوياچ   للضحّت   لنهضتهه

ابيمنتچ راية   احرار    وبالشام   ظلت  آثار

لزينب وهي بغربتهه

-----------------

يا أوّل   اول   ثائرة   اتهاجم الجور ابداره 

ويا آخر آخر صابره   اتبرّد  گلبهه   بناره

يا ظاهر  الحق  والعدل   يا شارحة     أفكاره

ويا باطن الثوره الحِوَت   نهج   الإبه  وأسراره

من موطني لأرض الشام   من مهجتي ولوعتهه

أهدي سلامي امن الروح   وي دمع عيني المسفوح

لزينب وهي بغربتهه

--------------

عقيل الكاظمي

بغداد 2001

قصيدة زينب تنادي .. اربعينية كاملة

زينب تنادي            يا چتيل العبره

يحسين الك من اليسر ردينه      يا چتيل العبره

----------------

يحسين اجيت بأشد واصعب حاله      وانت تعلم بيهه

وشكوتي امن  آلام الدهر واهواله      بس الك  أبديهه

يحسين  اجيت  ودمعتي  الهماله    امن الگلب أجريهه

يل چنت دومك                 من تهل دموعي

اتگلي المثيلچ صعبة تهمل عينه          يا چتيل العبره

----------------

يل چنت تمسح  دمعتي  بيمينك      وهامتي   باليسرة

يحسين عگبك حرگوا صواوينك      وجمره زادت جمره

وحال اليسر يا خويه بيني وبينك      وعفتك اعلى الغبره

وعل  رمح  راسك           وآنه يشتد عزمي

لمن اشاهد راسك يبارينه              يا چتيل العبره

-----------------

او رحنه بيسرنه واليسر أصعب صار        عل حرم باخطاره

وتذكرت   خويه  الضعن  لمن   سار        ابطلعته امن دياره

والضعن  جدد   مشيته   بل  أخطار       ومثل  ليله  انهاره

ريتك    تشاهد               باليسر حالتنه

وبمجلس ابن زياد من طبينه       يا چتيل العبره

----------------

يحسين اريد اختصر  كل  هل آلام     و أرد اصل  للغاية

يحسين يا خويه اثبتت بارض الشام      او رف عليهه لوايه

وقسمت  بسمك  ما  تذلني   الايام       وبيدي  أرفع  رايه

ورفعت راية               گمر هاشم بسمك

بمجلس يزيد وعلت بيني وبينه       يا چتيل العبره

----------------

ورجعت خويه ابعزتي ومنتصرة       وشوگي ليكم ردني

رحت  لگمر هاشم مشيت لگبره        والألم    يضهدني

جيت  آخذ  چفوفه  وأرد للزهره       وامك    تواعدني

تحمل     چفوفه         وتگف يوم المحشر

تطلب بثار  الكافل وچفينه        يا چتيل العبره

-----------------

وجيتك عگب ما عفت كافل ضعني    أشتكيلك    حالي

يحسين  صوبني   الدهر   وفجعني      وانفطر    دلالي

ونفس المصاب اللي جره وروعني     دهري عاده گبالي

طبرة عضيدك                 مثل طبرة عودك

وبگيد ابوك لشبلك مگيدينه      يا چتيل العبره

---------------------

عقيل الكاظمي 1997

زيارة الاربعين

زيارة الاربعين ضعيفة السند !! 
لو سلَّمنا جدلاً بانَ زيارةَ الاربعين ضيعفة، ولو صَرفنا النظرَ عن الرواياتِ الدالةِ عليها، فانّنا نقبلُها من وجوهٍ عدةٍ اهمُها.. إنَّ زيارةَ الحسينِ (ع) الواجبةَ بآراءِ عددٍ كبير من الفقهاء، مقطوعٌ باستحبابِها عقلاً وشرعًا عند من لا يقول بوجوبِها، وهذهِ الزيارةُ التي لا يُشكِلُ عليها حتى ابناءُ العامةِ منَ المُعتَدِلين، اذا ما ثبُتَ استحبابُها، فانَّ الاجرَ يقينًا يزدادُ فيها مع ازديادِ السعيِ اليها، فاذا كان مشيًا على الاقدام فانَّ الاجرَ سيكونُ على كلِ خطوة، إضافةً الى ما يصاحِبُها من مشقَّة، وكلما زادَتِ الخطواتُ زادَ الاجر، أضِفْ الى ذلك أنَّ زيارةَ الاربعينَ تُعتبرُ دعوةً عظيمةً لجمعِ المؤمنينَ في مسيرةٍ اَقلُّ فوائِدِها أنَّها تؤلِفُ قلوبَهُم وتقوّي ارتباطَهُم بالحسين (ع) وتجمَعُهُم تحتَ خيمةِ الذكرِ المستمر، وتُعلِّمُ الناسَ على الكرمِ والعطاء، وتُرفعُ فيها أصواتُ الدعوةِ الى الله، واصواتُ الرفضِ للظلمِ والظالمين، وهي بهذا نظيرُ صلاةِ الجمعةِ التي دعا اليها الله عزَّ وجلَّ في كتابِهِ الكريم .. والحديثُ كثيرٌ في هذا المجال .. وآخرُ دعوانا: اللهم لا تحرِمْنا من زيارةِ الاربعين بحقِ صاحِبِها

قصيدة دم نحرك للاربعين

دم نحرك ** عالحگ ايدلّينه

وبصبرك ** يحسين اتربّينه

عشنه ابدربك أحرار*** نرفع رايــة ثوّار

                                                         الله أكبر     

------------------

مـن يــوم ارتــفـع راسك على العسال

وجسمك يا حسين اتوسّد  اعلى ارمال

لهـــذا اليـوم  و بدمنـــه الحزن لازال

مع حروف العشگ تتوارثـــه الأجيال

عشاگك  **  يحسين   وتدرينه

للمحشر ** حزنك عايش بينه

وباسمك يبن الكرار*** نرفع  رايــة ثوّار

                                                        الله أكبر     

------------------  

جمـر حزنك كُريّات الدم الحمره

وحبك بالكُرات البيض حط سحره

بهالچلمات عن حبك صغت فكره

ابمشاعرنه  تبث العِبره  والعَبره

وبــدمــنـــه ** الأحزان تغذّينه

وذكر اسمك** عالمحنه ايكَوينه

وشما طحنه بأخطار *** نرفع رايــة ثوّار

                                                          الله أكبر     

----------------------

على مــرّ الزمن ومعاگب الأيـــــام

واحنه نشوف أحزان وغصص وآلام

علينــه جرّبوا كل صوره للإجــرام

اوجريمتنه الغرام اليـــرعب الظــلام

وعالمذبح ** حبك لو يدعينه

نــتــقــدّم ** وبإسمــك لبّينـه

اتعلّمنه  امن الأنصار *** نرفع   رايــة  ثوّار

                                                          الله أكبر     

----------------

مبادئهم خذوهه امن ابن مرجانه

ومبادئنــه غرامك بيهــه غذّانــه

عقيدتــهم يزيــد وديــن طغيانـــه

وعقيدتنــه الإبه وهذا انت عنوانه

كل ظنهم ** نتعب لو قاسينه

ونتـأثّــــر ** والهــمّ ينسينـــه

ولو  نتخيــّر نختار *** نرفع  رايــة  ثوّار

                                                           الله أكبر     

------------------

هيّمنه العشگ والحزن هيّمنـــــه

وصرنه انعيش عالم غير عالمنه

تحت ظل الصواريخ انهدر دمنه

انثكلنه بالعزيــز وبيــه تيتّــمنــه

ونتــــواثب **  عالمبــــدأ ظلّـيـنـــه

ميــهـمـنــه ** اويخسه اللي يعادينه

وبوجه    الإستكبار *** نرفع رايــة ثوّار

                                                         الله أكبر     

----------------

هاي الخاتمه وصوت الوفه  ايناديك

أمــوال وبنيــن وكــل نفس تفديـــك

وإذا حُبنه ومَشينه ايغيض اليعاديـــك

يفجّرنــه وتجيـــك ارواحنــه تلبّـيـــك

نتــــوذّر ** وبحبّــك تحيينـــه

وبالغــالي **  اتقــدّمنه وضحّينه

ونرخص ليك الأعمار*** ونرفع  رايـة   ثوّار

                                                         الله أكبر     

----------------

عقيل الكاظمي