في مكارم أخلاقه..
يا كافل ثار الزهره
ضلع امك تدري بكسره
------------
يل صُبحك غابت شمسه
شما دهرك جار ويقسه
تتذكّرهه و ما تنسه
وما تخمد ذيچ الجمره
-------------
انت التدري بقصّتهه
ابگلبك عاشت لوعتهه
تصحه بصدرك حسرتهه
وبجفنك تُغفه الجمره
-------------
نيران الباب الشبت
ما بين حشاك التهبت
وكل دمعه امن امّك صبت
تعلن بجروحك ثوره
-----------
بجروحك ينهض سيفك
يل ما تسكت عن حيفك
المحسن ما فارگ طيفك
وبضلعك ذيچ العصره
------------
حزنك عاش بأفكارك
تسعر ما تخمد نارك
انهض واشهِر بتارك
وغيظَك عل باطل فَجره
------------
عل باطل فجّر غيضك
واروي الآمال بفيضك
ما تحتاج لتحريضك
انت بثاراتك أدره
------------
عقيل الكاظمي
يا موقف صار ** هالليله
بدار المختار ** هالليله
لوعه واكدار ** هالليله
حان الوداع
---------
اذا گلبك لهب جرحه * واذا خيّم عليك الهم
تِذَكّر ساعة البيهه * ضلع بنت النبي اتهشم
تعال اويايه نتعنّه * ويحملنه بساط الهم
ننشد من ارض يثرب * جوهه ليا سبب أظلم
نِشاهد عترة الهادي * مدامعهه تصب من دم
اويجاوبنه صده المِحنه * نِصَبنه للحزن مأتم
انشوف الكرار * هالليله
بموج الأفكار * هالليله
واگف محتار * هالليله
حان الـوداع
------------
عگب ما غسّل بدمعه * جسد بنت النبي الطاهر
وگبل ما بل چفَن يخفي * ملامح نورهه الزاهر
ابو الحمله بگلب دامي * اودمع بهمومه متناثر
جِمَع ولده لوداع امهـم * اودليله بالحزن
شاجر
تعال اويايه وتصوّر * المصاب الوجّر الضامر
يتامه ايودعون امهم * ويا گلب اليظل صابر
كل حيل انهار * هالليله
وسيل الاعبار * هالليله
ينزف انهار * هالليله
حان الـوداع
-----------
الحسن ريحانة الهادي * لهيب الهم سره بدمّه
اذا شفته بظهر محني * اوطايح عـن يمين امه
انشده عن ضلع امّه * الكسير وشارِكه بهمه
وگله ليا سبب كسروا * ضلع بضعة نبي الرحمه
تسمع صوت آهاته * يجاوب من جمر هضمه
عگب غيبة رسول الله * علينه انقلبت الأمه
گوم الاشرار * هالليله
حصدت اثمار * هالليله
منّ البسمار * هالليله
حان الـوداع
-----------
وابو اليمه ابجمُر همّه * شبگ امّه وجِذَب
حسره
اذا شفته ثِگل ونّه * اوحِنينه ويسچِب العَبره
انشده عن مصاب امّه * اوجنين الطاح عل غبره
انشده ليا سبب مِنعـوا * بچاها او گطعوا
السدره
انشده ليا سبب ماتت * حزينه فاطمه الزهره
يگلك إسأل الباب * الغدت بالنار مستعره
يم باب الدار * هالليله
تشاهد آثار * هالليله
من ذيچ النار * هالليله
حان الوداع
-----------
هذا اليشهگ هـمومه * وذاك اليوِن والينحب
وتسمع بين هذا وذاك * صوت ام الحِزن زينب
عين تهل نهر من دم * عين تهل جمر يلهب
لوعـه لفرگة الزهره * او هضم للضلع المصوّب
تعال انشدهه ودموعك * مثل صب المطر تنصَب
اشسبب زهرة رسول الله * ضواها الزاهر اتغيّب
عيون الازهار * هالليله
هلّت مِدرار * هالليله
لام الاطهار * هالليله
حان الـوداع
-----------
وابو الحمله اعلى هل حاله * صفه بگلبه جمر
يسعر
وكل ذرّات هذا الكون * غِدَت ويّاه تتحسّر
الوصيه گيّدت عزمه * اوغَضَب بركانه يتفجّر
يشاهد لوعة ايتامه * اولهيب جروحه يتوجّر
اويِصِد للمشرق بعينه * اوينادي وگلبه يتفطّر
وكل احنه نصيح اوياه * يل غـايب متى تظهر
يبن الانوار * هالليله
إشهر بتّـــار * هاليله
واظهر للثار * هالليله
حـان الـوداع
-----------
عقيل الكاظمي / الشارقة
عشاق فاطمة
-----------
لو نِشَف دمعك على مصاب الضلع * إعصر
جفونك وخل تنزف دمه
خلي بالهم نوح گلبك يرتفع * وصيح
ما ننسه مصيبة فاطمه
دمعة عيونك سحابه من الغضب * جمـر
تمطـر عل مظالم ناقمه
وهذي حسرة مهجتك لفحة لهب * تِرهب
عروش الطغاة المجرمه
صارت الدمعه على مر العصور * صرخه
بوجـوه العُتاة الغاشمه
لو جرت شبه الرصاصه مـن تثور * منهه
تتراجف گلوب الانظمه
لا تگصّر بالدمع مهما جره * ولا
تخاف شما تلوم اللايمه
واذكر مصاب الوديعه الطاهره * واشعر
بحسرة گلب حامي الحمه
يعثر ونـين الاميـر بعـبرتـه * صابر اعلى الغيظ والهم كاظِمه
شاف صوره عن مصابه وطبرته * وصرخه
من وحي المصايب قادمه
شلون حرگوا بابهه بـنار الحقد * باب
وحي الله بحقدهـم مضرمه
شلون بالعصره انكسر ضلع المجـد * وانحنت
لمصيبته ضلوع السمـه
شلون طاح اجنينهه بحجر الحتوف * بدال
مهده بـمهد آجـاله ارتمه
ونْسِبت زينب گبل يوم الطفوف * والخِدِر
شافـت لهـيب مـخيّمه
والحسن أصبح گبل سمّ الغـدر * چبدته
بـسمّ الحـزن متهشمه
والحسيـن وگلبه بالهـم يستعر * من
گبل مـا يسعر بنار الضمه
واحنه ويّـه حسين حاربنه الدهـر * وما
غُفت أمواجَه المتلاطمه
صار مـن يوم الضلع حادي القدر * يحدي
بينه مـن مصيبه لموزمه
عِشنه ويّه الفاجعه بطول الزمن * ظل
حزنّه وما تغيّر موسمه
من وطن تاخذنه دمعتنه لوطـن * اوصُفَت
عـنوان لعقـيدتنه اوسمه
مـا نبطل النوح والعبره التسيح * اولا
تـطيب جروحنه المتألمه
واللي يسأل عن هويتنه نصيح * إحنه
عشاق الحسيـن وفاطمــه
-----------------
عقيل الكاظمي / الشارقة
صاحت املاك السمه ** فاطمه يا فاطمه
-------------
سيد الأكوان ودّع دنيِته
وعگب عينه اعليه انقلبت امته
وانتي أول جرح دامي بمهجته
من هِجَم طاغوت الامه وزمرته
مَقدَم الشر مَقدَمَه
** فاطمه يا فاطمه
--------------
اتقدّم الطاغوت واعوانه بغضب
والاملاك البالسمه تشوفه بعجب
لَملَم احقاده وشعل بيهه الحطب
اوعلى الباب تصاعد لسان اللهب
وناره ظلت مضرمه ** فاطمه يا فاطمه
-------------
دِفع باب الدار واشتـدّ الأنيـن
من كَسِرْ ضلعچ على سگط الجنين
والملايك ناحت بصوتٍ حزيــن
واعتلت آهات جبريـل الأميــن
وناده والمدمع همه ** فاطمه يا فاطمه
-----------------
انرِسَم جرح مصابچ بوجه الزمان
اوشجرة التفاح ناحت بالجنان
المنهه كوّن معدنچ رب الاكوان
يوم أسرى بوالِـدچ لاقدس مكان
و بل معارج كرّمه ** فاطمه يا فاطمه
----------------
شجرة التفاح تنعاچ بدمع
وغصن من عدهه انكسر ويّه الضلع
والحـزن عمّ السماوات السبِـع
بس جنان الخلد فرحانه وتشع
لجيّتچ متبسّمه ** فاطمه يا فاطمه
------------
انعصر گلب الدين وي عصرة الباب
وزلزل اركان العرش هذا المصاب
وناحت بهل يـوم آيات الكتاب
وگلب سيد الكون بالآهـات ذاب
ونصب باسمچ مأتمه ** فاطمه يا فاطمه
--------------
ناح لمصابـچ اميـر المؤمنيـن
وللحسن لاحت سهـام الظالمين
وعلى المحسن هلّت دموع الحسين
وعرف نار الباب تاخذهه السنين
وتنتقل لمخيّمه ** فاطمه يا فاطمه
---------------
عقيل الكاظمي / بغداد
مهما يطـول الزمن *** نصرخ يشبل الحسن
هيهات * هيهـات *** ننسه الضلع * هيهات
-----------------
طر گلبي جمر الحزن * هد عزمي طول النوح
صورة مصاب الضلع * بعيونـي دوم تلوح
هل صـوره ما تنّسي * وعـنّ الفكِر متروح
شما بيّه يبرد جَرح * تسعـر عليّه جروح
وجرحي سحابة غضب *** تـمطر دموع ولهـب
وجمرات * جمرات *** ما تنطفي * الجمرات
-----------------
جمرة ضلع فاطمه * تتلاهب امن زمان
وطول الدهـر ما گـدر * يخمد لظى الأحزان
تتناقـل بكل گلب * موروثه بل وجـدان
لوعتهه ما تـنطفي * ولا تعرف النـسيان
عشناهـا رغـم الدهــر *** وبـِدْمانه خط القـدر
مـأسـاة * مـأساة *** ما ننسه * هل مأساة
----------------
شفـناهـا مو بالنـظـر * صورتهه بالأفكار
شفنه اعلى دار النبي * من هجمـوا الأشرار
شفنه اعلى باب الوحي * يـصعـد لهيب النار
وسمعنه ونّ الطُهـر * من طعـنة البسمار
وصاح الملَك بالسمه *** كـسروا ضلع فاطمه
عبرات * عبرات *** دم تنزف * العبرات
----------------
شفنه الجنين الوگع * مرمي على حجر البين
اوحسرة گلب فاطمه * ودموع ابو الحسنين
لا لا وحگ دمعـته * وحزن الحسن وحسين
مـا ننسه ثار الضلع * مهما تمرّ سنين
باقي بمهجنه الألم *** كل لحظه رمية سهم
وآهـات * آهــات *** تـتـجـدّد * الآهات
-----------------
ويّانه
يبقه الحزن * عايش بلايه حـدود
نحمِل مرار الصبر * مهما جَرِحنه يزود
نصرخ يشبل الحسن * يا حجّة المعبود
نـترجّه ومضة أمل * من فجرك الموعود
يمته يطر الفجر *** ليوم الفرج ننتظر
ما مات * ما مات *** بينه الامل * ما مات
-----------------
ندري بجرح مهجتـك * وبگـلبك المالـوم
لاچن نظل نـنشدك * والدمعه تجري دموم
يل مهدي طال الصبر * يمته الفرج يا يوم
يـا ساعة نجبر كسر * ضلع امّك المهشوم
ضلع امّك يعاتبك *** لـيوم الوعد يندبك
ثارات * ثارات *** لا تترك * الثارات
----------------
عقيل الكاظمي
